mercredi 24 août 2011

سؤال غير بريء

فمّة سؤال ولاّ مجموعة أسئلة مقّلقتني من نهارة اللي سمعت التدخّل متاع عضوين من الهيئة المستقلّة للاعلام و اللي كنت في نهار مالنهارات   عضوة فيها  في الراديو ,الحاصل الريبورتاج سمعتو بالزهر و فهمت منّو اللي نهارتها هاك الهيئة العليا اللي اسمها طويل و ينطبق عليها اسم الطول و الخسارة كي سلّوم النصارى  استقبلت هيئة اصلاح الاعلام و ما اكثرهم الهيئات  الكثرة و قلّة البركة كيما يقولو , المذيعة سئلت الزوز اعضاء كل واحد على حدة على امكانية  نشر قائمة سوداء في الاعلاميين اللي بندروا لبن علي و كذبوا و خبّاو الحقيقة بلغة اخرى الاعلاميين اللي ما احترموش ميثاق الشرف متاع الصحافة و ما خمّموا و  كان في مصالحهم الشخصية و نساو نبل المهمة اللي مالمفروض يقومو بيها .  العضو الاول كان متحمّس للفكرة و قال لازم نشر القائمة هاذي وزاد حكى على قناة باعث القناة و ضرورة ايقافها و التصدّي للناس اللي تستغل وسائل الاعلام لتضليل الراي العام و كلامو كان معقول و حلو و العضو الثاني  استلبس و قالك و العياذ بالله كان نعملو قائمة من النوع هاذا و جابها لغة مصالحة و منعرفش شنوة خصّو كان ما حكاش على هيبة الدولة ,زعمة علاش السيد هذا ضد المحاسبة ؟ مناش خايف؟ مش مهمتو المساهمة في اصلاح الاعلام علاش يحب يخبّي على الفاسدين ؟ زعمة؟؟؟؟ 
ايا انّ بعض الظن اثم نخلّيكم و نقلّكم شاهية طيبة و اللي فيه طبّة ما تتخبّى ..و الفاهم يفهم 

1 commentaire:

  1. Une information tronquée est pire que la non-information ! Merci de nommer ces deux personnes.

    RépondreSupprimer

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...