samedi 3 avril 2010

زعمة المشكل منّي ولاّ منهم؟

زعمة المشكلة منّي و لاّ منهم ؟, نقوم الصباح نحب نقرى شوّية تدوينات ولاّ مقالات تتعدّى 404 باشي تضربني تسخطني و تخلّيني طايحة نتصكّك. ما عادش فاهمة شي ولّيت نقول بالكشي أنا ضاربتني عين و منفوسة بلوغة أخرى عندي التابعة وهنا اللّي متبّعني و متعّبني لا هو جنّ و لا هو غول تابعتي عمّار التونسي وين نمشي نلقاه يا ضاربني ياضارب صحابي و أحبابي ولاّ حتّى المعارف البعاد.
ولّيت نخمّم باش نشوف دقّازة ولاّ وقّاعة باش تحلّ عليّ كتاب ولاّ تداويني بخيط و زبيبة بعد الّي لحكاية ولاّت مستعصية لا يفهمها عقل و لا يقبلها عاقل واستفحل الداء و ما عادلو من دواء .عمّار لا مخلّي لا أخضر لا يابس يحش فيها الكلّ مالمدوّنين الشياطين اللّي يقضّو في مضاجع السلاطين للصحافيين المحترفين الّي في حلاّن العينين و توعية الجماهير طامعين. علاش غيري كي يحبّ يتفرّج في فيديو هيفاء ولاّ نانسي يكتب رابط و يتهنّى و أنا على ألف رابط و بروكسي نتعدّى؟ علاش كي نبدى حاجتي بمعلومة لازم نعدّي نهاري مهمومة و مغمومة ؟ زعمة كي نمشي لوقّاعة تلقالي حلّ و مشاكلي مع الباشي تتحلّ؟

3 commentaires:

  1. C'est pas une raison pour aller voir le droguiste juif, ni une dagaza (elle travaille avec les shayatin) :p

    Chacun a sa définition du prosélytisme...

    RépondreSupprimer
  2. Biensur que je ne vais pas voir une deguezza pour faire face a la censure . C 'est de l 'ironie ...

    RépondreSupprimer
  3. Oui, joliment dit
    J'ai beaucoup apprecié comment tu joues avec la superstition

    RépondreSupprimer

مجرد رأي

نحن شعب لا يتعظّ من ماضيه و لا يحفظ دروس التاريخ و كأنّني بنا شعب قصير الذاكرة أو دعوني أقول معدوم الذاكرة. تستهوينا بعض عروض التهريج في مج...